Liefdadigheid
af, af, af, af, stoeng d'r een bieschrievieng. Ik keek 's goed, en tot m'n
stomme verbaezieng bleek da 'k 45 gulden gewonnen aa mie de loterie
daèr a elke maend een tientje voe afgeschreve wordt. Noe liekt dat nie
vee, 45 gulden, mae je mö wè bedienke da 'k in m'n 'êle leven nog nooit
wat gewonnen behalve dan in 1976 een blomvaasje bie een verlotieng
van de plaetselijke korfbalverênigieng.
'k Was verrast, en bliekbaer ok een bitje van slag, want tegen m'n
geweunte in miek ik dien brief van 'Voedsel voor de Armen' open. Daè
stoeng netuurlijk de gebrukelijke ellende in, en ik zag daè een meer dan
toevallige saemenloop van omstandigeden in. Ik zat daè, weldeurvoed en
een tikje te zwaer, te lezen over mensen die a soms een 'êle weeke gin
eten adde, en noe a 'k ok nog een pries in de loterie gewonne. Een bitje
beschaemd 'k dus geliek die accept giro ingevuld, en 't 'êle bedrag van
45 gulden overgemaekt.
Achteraf a 'k er nog wè een bitje een goed gevoel over, totda 'k drie
weken laeter wee een brief kreeg van 'Voedsel voor de Armen'. Ik wier
bedankt voe m'n stortieng, en of a 'k nog 's wat over wou maeke. Daè
zat wee n'accept giro bie. 'k Doche bie m'n eigen 'noe motte ze nie
anouwe', en ik dien brief bie 't oud papier gegooid. Tweê weken laeter
was t'r wee a zö'n soort brief, 'k Aa noe ok a een soort nummer gekrege
in d'r bestand, en m'n gironummer was a voorgedrukt. Om kort te gaen,
ik kriege noe a tweê jaer van dat soort brieven. Noe èd 'k 's berekend
dat die 45 gulden die a 'k ooit gestort allang opgegaen is an druk
werk, organisatie, administratie en poszegels om nog mae meer geld van
I noe nummer 14/15
mien te kriegen. En die mensen mie 'oenger nog altied 'oenger. Dat
kan dus nie de bedoelieng weze.
Daèrom gae bie mien al die brieven van liefdadige instelliengen geliek in
de prullebak. Ik voe m'n eigen een 'eêl invoudig systeem. Op de kasse
'k een potje mie riesdaelders. Elke keer a 'k wee 's een riesdaelder in
m'n portemenee gaet die in dat bakje, en elke keer at er an de deure
gebeld wordt en ze stae mie zö'n buzze, dan gooi ik daè een riesdaelder
in. 'k Geeve 'r nie om waèr a 't voe is. Voe de nierstichtieng of voe de
speeltuun. Voe 't reumafonds of voe de sinterklaasvierieng. Ze kriege
allemaele wat, en ze kriege allemaele evenvee.
Dus alle mensen die a noe luustere en die a mien binnenkort wille schrie-
ve of belle: spaert de moeite en de kosten van tillefoon of post. Ik ouwe
m'n eigen bie m'n potje riesdaelders en die buzze an de deure. Hoewel, a
'k noe is 'eêl vee van die riesdaelders dan koöp ik meschien wè een
paer andelen KPN, want die worre nog 't beste van van al die liefdadig
heid...
