N2
tussen blank en zwart zö groöt is as in de Transkei. Dochte me. Wiste
ons vee at er nae gin blanken bin in de Transkei. Ze méuge d'r noe wè
weune, mae verstandig is t't nie. Dat wiste ons net zö min as dat er in de
Noord-Provincie 'êle steden bin daer as gin zwarte weunt. Ze méuge d'r
noe wè weune, mae verstandig is t't nie.
Toen a me dat wiste, dochte me dat die fraoie nieuwe vlagge van Zuud-
Afrika en die blitse 'biesmak' van 't land, the Rainbow Nation, wè wat
overdreve waere. Niks gin integratie, niks gin 'onderd-zövee culturen
nest en deu mekaore. Kei'arde après-apartheid; discriminatie, afgunst,
vooroordêlen, criminaliteit, bange blanke mannen, dat soort van diengen.
not nummer 14/15
Fout gedocht. Ze bin d'r wè, de plekken daer as 't goed gaet. Nou ja,
relatief dan. De plekken waer a de blanken Zulu lere praote, of Xhosa, of
Ndebele, wae zwarten Afrikaans nie as taele van de apartheid, mae as
taele van de buurman ziee en 't Afrikaans zonder problemen gebruukt at
't zö te pas komt. Me joenge blanke mensen uut Johannesburg
ontmoet die a naè de universiteit gae om iees te studeren waer a ulder
zwarte landgenoten strek wat an Nikki bievobbeld, een misje van
negentiene, die a zömae even zoölogie, plantkunde en weet ik wat aol
nie meer is gae studere, om a ze laeter in Mpumalanga een agrarische
schoole vo aerme mensen ('zwarten' zei ze nie eênst 's) wil beginnen: