N2
Loeriesfontein, wete Nederland nie legge. Ze wete nie dat een deêl van
ulder roots in 'Olland en Zeêland leie.
Vusi za't aol op z'n rik roeste. Ie moe z'n vis kwiet. 't Is vriedag en dan
oort er goed verkocht in de Bo-Kaap. Alleên, vandaege is t't naebie 40
graoien en de mensen köpe dan gin vis uut een krantepapiertje die a in
een kartonnen doosje in de brandende zunne op Vusi's 'oöd deu de stad
gedroge oor.
Vusi weun in Gugulethu, een stienkend township an de N2 naè 't vlieg
veld. Ie komt daè nie vandaen. Vusi is komme löpe en lifte uut de
Transkei. Daè, 1500 kilometers verderop, weunde n ook a an de N2.
Diezelfden waer as ons een paer weken eerder mee 't zweêt op onzen rik
over bin gekomme. Dat vindt Vusi wè een leutig idee. Ik moe een foto
van z'n neme. Ik beloof da 'k n naè z'n op za sture en ie krabbelt 'eêl
onwennig z'n adres op een stikje stienkend vispapier: Vusi, NY141-22,
Section 3, Gugulethu, 2250, Cape Town, South- Africa, Africa, World.
'And
Een dag laeter 'ael een busje me op bie m'n guesthouse om me naè 't
vliegveld te briengen. Me riee over de N2. Langs Gugulethu. Ik vraege 't
vo de zekereid an de chauffeur: 'Is datte daè noe Gugulethu?'
'Yes', zeide n, 'but you don't want to go there. Zelfs de politie durf daè
nie in. A 't doenker is, durve ze nergest gin zwarte gebieden in, mae in
Gugulethu komme ze oök overdag nie. Aol criminêlen, de kaffers die daè
weune. Ze verkrachte joenge blanke misjes en vermoorde ouwe wuufjes
I noe nummer 14/15
vo een paer stuvers. Ik verwed er m'n 'and op dat er daè nie eên te
vinden is die a op een eerlijke maniere z'n broöd verdient'.
Ik kieke uut 't raempje naè de wirwar van plastieke en 'oute bouwseltjes
die a in Nederland vo een vaerke nog te min zoue weze om in te
weunen. Vusi zei nog: 'Vodat ik vuuftig bin, wil ik een sténen 'uusje.
Dat kost 28.000 Rand. Da bin mae 28.000 snoeken die a'k moete
verkópe. Vaol mee, ee?'
Da vaol mee, Vusi. Nog een stuitje mae. Die chauffeur is z'n 'and kwiet.
't Adres van Vusi (NY141-22, Section 3, Gugulethu, 2250 Cape Town) klopt echt. Stiert n
's een kaortje uut Zeêlandl