Leve de vergriezieng
Peter Dieleman
Vorige weeke is t'r wee een klein wienkeltje op een klein durpje
geslote, 't Was 't leste nerienkje en noe is t'r niks mi. En da's voral
vervelend voe ouwere mensen. En 't is nerges voe nodig. Ja mae, roept
de polletiek, kleine kernen bin economisch moeilijk te ontwikkelen. Wat
krieg je dus: op elk durpje is t'r minstens èên schoole, een kres en een
peuterspeelzaal. Da kost nog a wat, d'r is bienae nie an personeêl te
kommen en de klassen zitte soms mae 'alf vol. Al die guus motte ok
nog 's mie een auto naè schoole gebracht, en da geeft dus een berg
overlast en miljeuverontreiniging. Die guus kunne nie op de fiets, want
't is te druk mie auto's, zegge ze. Mae ja, dat bin allemaele auto's die a
guus naè schoole brienge.
noe nummer 14/15
Ik bin zelf in m'n 'êle schooltied nooit gin dag mie een auto naè schoole
gebracht, 't Kon zukken slechten weer nie weze, of ik gieng op de fiets.
Noe was dat nie zózeer omda 'k zö'n stoere scholier was, mae meer
omda me gin auto adde. Mae goed.
Elk klein durpje mö ok nog een speeltuun en een 'angplekke voe de
ouwere jeugd. A 't kan ok nog een 'alve pupe om te rolschaessen. Een
'half pipe om te skaten' 'eêt dat in goed Nederlands. Daè mö nog een
soos weze voe zowel ouwere mensen as jongelui, en dat kan nie in eên
gebouw, 't Bliekt dus dat er in kleine kernen, mie een gróte spreidieng in
leeftied en intresses, gin basis is voe een gezonde economische ontwikke-
lieng. En ouwere mensen worre daè de dupe van.
Noe is t'r volges mien een taemelijk eenvoudige oplossieng, naemelijk 't
concentreren van ouwere mensen. Een soort ultieme vergriezing dus. Een
weunzurgcentrum in de overtreffende trap. Een durpje mie enkel bejaer-
den. Een grieze oase.
'Ja mae, da kan nie' roepe sommige. Nou, ik dienke van wè. Vergriezieng
begin tegenwoordig eigenlijk a a je net vuuftig bin, of a de kinders de
deure uut gae. En lae me eerlijk weze, mensen van vuventwintig mee
drie guus draege toch niks wezenlijks bie an de leefbaerheid van een
durp. Ze 't vee te druk mie de kinders, d'r dubbele baan en de ver-
bouwieng van d'r uus.
Grieze oases dus, mie een bevolking die a een leeftied eit tussen de vuuf
tig en de onderd. Daè beginne me mee. Angepaste uusjes, berekend op