Concreet dudelijk
Marco Evenhuis
Vuurwerk in maerte, da gebeur nie vee. Zeker
nie op een nuchter werkmansdurp as Souburg.
En toch was 't zó. De zesde maerte, om precies
te zien, 's aeves om een uur of tieene. Een
stuitje laeter reeë d'r zelfs een paer toeterende
auto's achter mekaore deu 't durp.
Teletekst gaf een verklaerieng: de lokale Partij
Souburg-Ritthem, die vo 't eest an de gemeên-
teraadsverkieziengen mee dee, kwam in eên
klap mee vier zetels in de raad. Grootste partij
PvdA eit er mae tweê méér. Op Souburg 'aelde
de PSR zömae even 44 procent van de stem
men! De op eên nae grootste partij van 't durp,
de PvdA, mocht 't doee mee 15 procent van de
stemmen...
Resultaat van dertig jaeren té weinig
Souburgers in de Vlissiengse raad, té weinig
geld an 't durp uutgee, té weinig begrip töne
vo 't durpsgevoel dat a de meêste Souburgers
oók nae de herindêlieng van 1966 nog aoltied
Kortom, de Vlissiengse polletiek ei vergete a
ruum een derde van aolle inweuners van de
gemeênte op Souburg en Ritthem weune
(12.500 op Oöst, 2000 op West en 500 op
Ritthem).
De PSR ei z'n doel noe a bereikt: de durpen
stae wi op de kaorte. Vee meer as een bitje
meer andacht vo de durpen eit de PSR oók nie
op 't program stae. Veiligeid? Een politiepost
op 't durp. Welzijn? Een medisch centrumpje
op 't durp. Cultuur? Wat bankjes op de
Karolingische Burg. Economie? De wienkel-
straeten en 't durpsplein opknappe.
Mae juust zuk 'geneuzel' is vo de Souburgers
wè concreet en dudelijk. De mensen wete wat
a ze an de PSR Conventionele partijen
scherme meer mee algeméne termen en praote
as volledig gediplomeerde polletiekers. Een
virus dat a wè bie iedereen op de loer liekent te
leie die a an 't besturen slaet. Wonder of a die
durpenpartij over vier jaeren wi zó goed scoort,
't Zou feitlijk nie nódig moete weze.
Huj
Zó verre is 't nog lank nie. Vorlópig de gróte
joengers mae rekenienge te 'ouwen mee de
PSR. Vier zetels op 29, da's nie niks. Een bitje
tegengas van de 'goeie' kant van 't Kanaal, 't
za de mensen op de durpen deugd doee. Dat
merkte je dunderdag de zevende maerte a; 's
ochens vroeg groette de meêste mekaore mee
een ondeugende blik in d'ögen. Vo eên keer
kloenk 't aoltied zó dróge 'huj' een bitje triom
fantelijk.
i noe nummer 14/15