Orliejans
En in 't zunnetje op de brugge, wae a aere-
beiers van de Schelde en aore grote Vlissiengse
bedrieven mekaore 's ochens treffe, kloenk
gelach. Drie keer raoie waer at 't in de lunch
pauze over zou gae.
't Leeken oök wè of de Souburgers dien dag
een stikje rechter as anders op ulder fiets zaete
a ze langs de ouwe grenspaele an 't Kanaal
reeë. Die paele geef de ouwe grenze tussen
Souburg en Vlissienge an. '2193 Souburgers
hebben altijd gelijk' staet er sinds de zesde
maerte op geschreve. Concreet en dudelijk. Vo
zö lang at 't duurt.
Arie de Viet
In z'n blauwe stofjas
stapt n uut z'n auto
ie brocht 't aevendblad
op zaeterdag vorremiddeg
de duvemèlker uut Vossemeer
Ik zége: de krante is vroeg vandaege?
'ja' zeit n, 'da kom goed uut
- 't is mien kans -
tussen 'aollf twaolve en 'aolf eêne
vallen de duven uut Orliejans
noe nummer 14/15 I