't Amusement!
de redactie
Joengers toch! Dat ei nogga een stuitje geduurd ee, eer a deze Noe d'r
eindelienge was! Tja, 't zat nie echt mee de afgelöpe maenden. Me
nogga moete schippere mee onzen tied; Noe is en bluuft netuurlijk een
product van vriewilligers en die mensen ka je nie dwienge. Die som-
tieds gewoon aore diengen te doeen. En at er dan een paer bin die a
tegelieke wat aors te doen
Mae, nie getreurd: Noe nummer veertiene is t'r en ie is dubbel zö dikke
as anders! Vierenzestig bladzies zeilende vol mee veraelen, artikels, rip-
pertaoges en gedichten. Een dubbelnummer dus! Me op deze maniere
nummer veertiene gecombineerd mee vuuftiene. Ei je wat te doen van
de zeumer.
Deze zeumer bin ons in elk gevaol druk doende om er rap weer een Noe
uut te persen. Me bluve naemelijk wè uutgae van vier nummers op een
jaer, a verschiene die wè een bitje onregelmaetig...
In deze Noe tref je een paer belangrieke zaken an wat a de Zeêuwse
taele angaet. Streektaalconsulente Marjolein de Visser geeft de leste
stand deur mee betrekkieng toet de meugelijke erkennienge van 't
Zeeuws as streektaele. Da doe ze waerschienlijk vo 't lest; 'eur gezin is
een stikje gróter g'ore (proficiat!) en dat vraegt nogga wat tied van d'r.
Ze zu van de Stichting Cultureel Erfgoed Zeeland, waer a de streektael-
consulent onder vaolt, snel op zoek moete naè een vervanger. Laete me
'ópe a die z'n of d'r eige net as Marjolein goed inleest, snel 'voeling' mee
de streektaelwèreld kriegt en mee een solide ondergrond stekken za
steke.
Een ander belangriek onderwerp in deze Noe dat 't Zeêuws angaet, is de
enquete van de Stichting Nederlandse Dialecten. Die stichting zoekt
woorden, uutdruksels en riempjes daer a je een ander dialect as dat van
j'n eige mee karakteriseert. De vondsten komme in een boekwerk dat a
kommende jaer bie de Nederlandse Dialectendag gepresenteerd oor. Vo
't eest oor dat belangrieke evenement in Middelburg g'ouwe, dus 't is wè
belangriek at 't Zeêuws goed vertegenwoordigd is in dat boek dat dan
verschient. Werkt aollemaele mee, zou 'k zö zeie.
Vo de rest ka je mee Noe 14/15 weer aolle kanten op. Naè Cambodja,
Australië, Orléans, Zuud-Afrika, Londen, of geweun Baerland, Berge,
Souburg en Sint-Kappel-Kerke. Veraelen van verderop en iets korter bie,
aol in de taele van 'ier of om den 'oek. Geniet ervan en doet er mae
lekker lange mee; da geef ons oök wi een bitje lucht vo Noe nummer
zestiene... 't Amusement!
no« nummer 14/15 I