Bamboes Ko
- Zö, je komt ook wir 's in 't café?
- Zö is 't. Noe kan 't nog, ee.
- Alla, nie te somber. Je kan nog jaeren mee, je bin nog geên zeventig.
- 't Is waere. Mae zeventig, 'k weete eigenlijk nie of ik dat nog wè
wil ore.
- Bin jie zot? Dan is da bier ook nog lekker, 'oor...
- Huhhuh. Mae je gaet ook gauwer wat mankere. En dan naè Simnia
moete zeker.
- Simnia? Bin je glad betoeterd, dat lei toch in Turkije of zö?
- Belneênt. Neê, Simnia, ei-je daè dan nog nie van g'ore?
- Simnia, Simnia... Bin dat dan blommen of zö? 't Is toch geên érge
ziekte zeker?
- Och vent, lees je dan geên krante? Simnia, da's 't nieuwe bejaerdeuus
dat at er bie Domburg moe komme. in plekke van Ter Mantelienge za'k
mae zeie...
- Sim-nie-jaa. Neê, je ei geliek, daè zou ik ook nie wille zitte 'or. Net of je
van een andere wereld bin, een bitje leip of eh, meer exotisch za'k mae
zeie.
- Jae, en daè zitte ons dan misschien over twintig jaer. Mee Piet 'ierzö en
en Kees en Bram en Lein en aol die andere. In Simnia.
- Nou, zun me dan nog maer 's een biertje doee? Noe kan 't nog.
- Docht ik ook. En 't is aoltied nog een beter voruutzicht as Emergis of
Arduin of Leetee, zumme mae dienke.
- Toe Piet, doet 'ier 's tweê biertjes en wat docht je van een nieuwe
1 noe nummer 14/15
naeme vo je café? Bacchus of zö? Of eh, Satisfactio misschien?
- Zeg, me 'ouwe 't wè netjes ee...
