De biebel in 't Zeeuws
't Gae dan om vraegen as: kom de boodschap toe z'n recht, vin je 't
taelgebruuk te vrie, of juust nie vrie genoeg? En ok: vin je 't natuurlik
Zeêuws. Dat wil zegge: Zeêuws zö a je 't zelf in 't daegeliks leven
gebruukt, of zou kunne gebruke. 't Gaè dus nie om theologische
beschouwiengen. Ménsen die a wille reagere kunne een e-mail stiere
naè: j.p.dejonge@wanadoo.nl. Da geldt ok voe ménsen die a mee wille
doee an een vertaelgroep in Zeêuws-Vlaanderen. A je liever per brief wil
reagere kan dat ok: Jan de Jonge, Schoorkenszandweg 29, 4431PH
's-Gravenpolder. Voe meer informatie over 't Kerkje van Ellesdiek en
de activiteiten ka je kieke op: www.ellesdiek.nl
Marcus 2
1Toen a Jezus nae een dag of wat wee in Kafarnaüm was, krege de
ménsen a gauw in de gaten a n wee tuus was. 2 En d'r kwam zövee volk
bie mekare dat er ok bie de deure gin plekke ml was, en Jezus vertelden
an die ménsen z'n boodschap. 3 Dan komme ze mie een lammen naè z'n
toe die a ze mie z'n vieren draege. 4 Mae om at er zövee volk was konne
ze nie toe bie Jezus raeke. Daèrom begonne ze 't dek boven z'n 'oöd
open te breken, en toen a 't gat groöt genoeg was liete ze de draegbaer
mie die lammen d'r op naè benee zakke. 5 En Jezus die zie ulder geloof,
en ie zei tegen die lammen: 'Jongen, je zonden bin je vergeve'.
6 Noe zatte daè ok een paer schriftgeleêrde en die dochte bie d'r eigen:
7 'Wat doe die noe voe praat? Dat is God lastere: zonden vergeve dat
kan toch allênig God mae doeë?' 8 Jezus aa direct in de gaten wat a ze
dochte en ie zei tegen ze: 'Waèrom dienke julder dat bie j'n eigen? 9
Wat is t'r noe makkelijker: tegen die lammen zegge: je zonden bin je
vergeve, of zegge: ries 's op, pak je draegbaer en gaè mae löpe? 10 Om
julder te laète weten da de Mènsenzeune volmacht ei om op aerde
zonden te vergeven'- en ie draaiden z'n eigen naè die lammen: 11 daèr
om zeg 'k: 'ries 's op, pak je draegbaer en gaè mae naèr uus'. 12 Ie rees
op, pakten z'n baer en liep achter an mekare wig, twint a ze d'r mie z'n
aollen op stoenge te kieken. De ménsen wiste nie wat a ze zagge, ze
preze God en ze zeie: 'Zoiets me noe nog noöit ezieë'.
13 Jezus gieng wig en ie liep wee langs 't meer; d'r kwam een 'êle koöie
volk naè z'n toe en ie gaf ze les. 14 Onderweg zag n bie 't toluus Levi
van Alfeüs zitte, en ie zei tegen z'n: 'Gaè mae mie me mee.' En Levi rees
op en ie gieng mie z'n mee. 15 Op een keêr lag Jezus bie Levi an om te
eten, en saemen mie Jezus en z'n leêrliengen lagge ok vee tollenaers en
zondaers an; daè wazze d'r nog a vee van bie de ménsen die at n volg
den. 16 En de Farizese schriftgeleêrde die a zagge at n mie die ménsen
an 't eten was zeie tegen z'n leêrliengen: 'Eet n noe mie tollenaers en
zondaers?' 17 Jezus die 'oorden dat en ie zei tegen ze: 'De ménsen die a
niks mankere die gin dokter nódig, mae die a ziek bin wè; ik bin ik nie
ekomme om de rechtvaerdige te roepen, mae de zondaers'.
18 De leêrliengen van Jewannes en de Farizeên wazze gewend om gere
geld te vasten. En d'r komme ménsen an Jezus vraege: 'Waèrom vaste
de leêrliengen van Jewannes en de Farizeên wè, en die van joe nie' 19 En
I noe nummer 14/15
