Mee een knipoöge van Maenoe!
Maenoe
Op 22 fibrewaori stoeng in 't AD een stik over
't zunige en verouderde imago van Zeêland.
Naer anleidienge daevan ons, zes studenten
grafische vurmgevieng, 't imago van 't Zeeuws
Meisje ter discussie gesteld. Waerom is dat
misje noe nooit mee 'eur tied meegegae?
Waerom is 't imago a decennia lank a 't zelfde
gebleve? Kan 't Zeêuws Meisje zomae
verdwiene? Kan 't imago verjoengd ore?
Ons noe een nieuw beeldmerk en imago vo 't
Zeêuws Meisje gemaekt en eur mee verschil
lende acties an de mensen getoond. Maenoe
'eêt ze en ze is fris, zunnig en bruisend.
Minister Jorritsma eit 'r in Den 'Aegt as eeste
ontmoet. Daènae me d'r mee nae
Middelburg genome. Daer me 't logo op de
Mart geprojecteerd en me deu de stad zand-
logo's geleid. Daebie me stickers en info uut-
gedeeld.
Laeter bin me nae Vlissienge en Veere geweest
waer a vergeliekbaere actis g'ouwen De
reacties waere echt geweldig, dus me zulle nog
wè een stuitje deugae mee acties deur 'eêl de
provincie.
Op deze maniere wille me de discussie over 't
Zeêuws Meisje weer doee oplaaie. Ons doel is
a mensen bewust ore dat 't Meisje een visite
kaartje van Zeêland kan weze, mae dat er wè
goed mee omgegae moe ore. Dat de mensen
zelf in d'and.
Ons Maenoe gepresenteerd en me 'öpe a
mensen dit beeldmerk en imago oppikke en d'r
wat mee doee. Me d'r glad gin commercieel
belang bie; ons maeke gratis reclame vo
Zeêland. Toch nog een zunige actie dus. Mae
dan wè zunnig, vrolijk, positief en bruisend. Net
as Zeêland zelf!
Meer info ka je vinde op internet, www.maenoe.net
I noe nummer 14/15
