Me gaen gewoon deu!
Marjolein de Visser
't Ei 'eêl wat Zeêuwen an 't dienken gezet, die erkenning. Mensen konde
voo of tegen weze, 't 'ieuw ze wè bezig. En waer an ze nie precies wiste
waer a 't om gieng, verzonne ze 't er wè bie. Den énen ao 't over een
tweêde Friesland, den aoren riep dat 't Zeêuws nie bestaet. As Stichting
Cultureel Erfgoed Zeeland 'èn me geprebeerd zövee meugelijk 'andtêke-
ningen te verzaemelen as ondersteuning voo de erkenning om staats
secretaris De Vries te laete zieen dan me die erkenning 'ier graog wille.
I noe nummer 14/15
Me 'èn ruum 7000 reacties binnen
g'ad, waer an me aolle inzenders
(en niet te vergeten aolle mensen
die an d'r eige 'ier voo in 'èn
gezet) voo wille bedanke. Jong en
oud mee gedae, verênigingen,
stichtingen, scholen, zelfs mensen
uut 't buutenland. Mensen van
boven én mensen van onder de
Westerschelde.
Den énen zei over dit resultaat:
'7000, da's 'eêl wat', den aoren
zei: 'da's niks, daer ka je nie mee
ankomme in Den Haog. Dan ka je
beter ma thuusbluuve...' Of je 't
noe vee vindt of weinig, eên ding
staet as een paele boven waeter:
d'r moen nog vee meer Zeêuwen
wezen die an achter die erkenning
staen. 't Is dan ook jammer dan
me nie aol die mensen persoonlijk
'èn kunne bereike. Ma me bin nie
bie de pakken neer gae zitte...
Uut et onderzoek van de PZC (dat
uutgevoerd is nog voo a de actie
week begon) bleek a dat zo'n
35% van de Zeeuwen voo die
erkenning was. A'j dat omrekent
nae 't aantal Zeêuwen, bin dat d'r
meer as 125.000, da's 'eêl wat
meer dan die 7000 die d'r 'and-
têkenienge gezet En van die
mensen die an d'r tegen waere,
waere d'r een 'oöp tegen deu mis
verstanden. D'r waere d'r noga
wat die an bie erkenning dochte
an een taalsituatie zö an de
Friezen die kenne, mee dubbele
plaets-naemborden of scholen
waer an kinders verplicht worre de
streektaal te leren. En dan waere
d'r nog bie die an nie echt tegen
waere, ma die an 't nie zó nódig
vonde. Wè bleek toen a, dat 50%
vond dat d'r meer moest gebeure
voo 't Zeêuws. En a je dan
bedienkt da zö'n 50% van de
Zeêuwen Zeêuws praet, dan is