PZCiefers
Marco Evenhuis
Da was wat. De PZC kwam op den dag da de actie vo erkennienge van't
Zeêuws begon mee de resultaten van een onderzoek. D'r was 'mae' 35%
van de Zeêuwen uutdrukkelijk vor erkennienge van 't Zeêuws as streekta-
ele, kopte de krante die a zó graog 'voor en door Zeeuwen' wil weze. Die
35% bin nog aoltied wè ruum 125.000 mensen die a a vor erkennienge
waere op een moment waerop eigenlijk nog gin mens wist waer at 't noe
feitlijk om gieng. Wie van de mensen die a je bie de bakker tegenkwam
wist precies wat a erkennienge betékent en ao daè een echte mênienge
over? Gin mens toch?
I no« nummer 14/15
Oök de vraegstelling van de PZC klopte van gin kanten: 'Vindt u dat het
Zeeuws officieel als taal erkend moet worden?'. Komaan zeg, bin ze noe
nie wiesder bie 'onze' krante? 'Officieel als taal erkend', wete ze dan
echt nie beter? Een erkennienge as streektaeltje is nie vee meer dan een
erkennienge op papier, mee 'eêl weinig rechten en plichten. Een moreêl
steuntje in de rik vo een groep dialecten die a in ulder bestaen bedreigd
ore deu 't Nederlands en 't lengels. That's all/da's aol.
D'r was gliek flienk wat gemor. Sommige vonde 35% nog schandalig vee
en meênde a dat terug naè nul percent gebracht zou moete ore. Meer
realistische kritikasters vonde 't nie kunne wat a de PZC daè flikte.
Ondergetêkende incluis, en die schrieft zelfs vo de PZC! D'r wiere acties
bedocht en brieven ingestuurd. Een bitje fel aollemaele. En dat terwiel 't
belangriekste waepen in een charme-offensief vo de erkennienge nog wè
liekt te wezen at 't zö fel as in Fryslan nie moet 'ier in Zeêland...
Onze streektaalconsulente Marjolein de Visser en 'eur Stichting Cultureel
Erfgoed Zeeland (da beêstje zou feitlijk nog een 'officiële' Zeeuwse
naeme moeten 'ieuwe d'r eige sakes en wachtte op 't juuste moment.
Toen a de 7000 kaortjes ondertêkend waere, kwam ze mee een nieuw
onderzoek. 'Eêl fientjes noemde ze dat een vervolgonderzoek op dat van
de PZC. De vraegstellieng klopte en de ciefers waere werkelijk ienorm
positief. Een stikje uut 't rapport 'Over Zeeuws gesproken', dat a naer
anleidienge van 't onderzoek deu Scoop (Zeeuws Instituut voor Zorg,
Welzijn Cultuur) verschene is:
