De rap van de brugge
Jan Zwemer (Walcher)
stae je bie die brugge
'eêl je lief da bibbert
die wind lieken wè kouwer
kouwe wind op je rugge
zwaoie naè de schipper
op m'n zere schouwer
tanden op mekaore
éénentwintig jachten
mae me goeie grutten
paers en rottig t'oren
neê, ons 'èn geên klachten
kiek noe toch die trutten
zat je noe mae binnen
wapp're mee j'n aerm
traenen op je kaeken
want die zeumerjas is dinne
dan krieg je 't wè waerm
gaen ze foto's maeke!
da's noe wi nie snugger
kiek daè komt de twidden
moen die jachtjes stoppe
a'j moe stae bie een brugge
die wind sniedt je deu midden
zou je ze nie schoppe!
tien ménsen op een trapje
een zeiljacht eerste klasse
mee d'r gele laezen
ikke, Kees en Robje
eigenlijk moe'k sasse
wa drukt dat op m'n blaeze
'n ouwe vent, een stel wuven
mag dat bie een brugge?
zeker nog toeristen
'n gastje mee een kuve
neê, dat za nie deugae
nou, ik kan ze misse
zö een windje kan sniee
en jie maer ieval liee
18 I noe nummer 16