Foto: Cees Chamuleau
(Uut: Trug nae Kompong Son)
De blaeren van de sukerpalm 'ange slap in de waermte van de laète
achtermirreg. In de schaduw van de Wat Leu Pagode, 'aolverwege
Sihanoukville Mountain, stekkert een jongsje omlaège mie een witte
vlieger boven z'n 'oöd.
D'r klienkt een schreêuw. 't Jongsje laèt de vlieger los. D'r snokt er eên
an 't touwe, maer as een dooie vlinder tumelt de vlieger, naè eerst nog
een paèr wilde schommeliengen om'oöge gemaèkt te 'ebben, wee rap
ter aèrde en belandt in 't dróge savannegras.
An 't andere ènde van 't touwe staèt de ouwere broer van 't jongsje:
Thieu van dertiene. Mie 'öge stemme roept 'm ni z'n broertje. 'Opraèpe.'
'Renne.' 'Arder!' 'Loslaète... Noe!'
noe nummer 16 I