'm verblind is deur geld en dure cadeautjes. Of kwam z'n kwaèd'eid deur
dat beên, omdat toeristen 'urn nooit zoue vraège mee te gaèn ni d'r
hotel? Omdat ie een mankepoöt is, zou die nog nie voe den 'elt van 't
geld dat Djaw dr voe kon kriege, worre meegetroond ni 't bedde van een
zwêtende Amerikaan die a 't nie zö nauwe nimt.
Z'n ouwe vriend poest nog aoltied schoenen. Maer in de sloppenwijk
achter Central Market 'ebbe ze bie Djaw thuus noe wè een kleure-
tillevisie. Van z'n zögenaèmde schoenpoetscenten.
Of Thieu noe jaloers is op Djaw? Ie dienkt van nie. Z'n handicap ei
temissen 't voordeêl dat ie bie de paters mocht komme. Voe een betere
toekomst...
Voe 't gezinsinkommen bin ze in deze moeilijke tied angeweze op de ver
koop van wien die moe Phy stookt uut de sukerpalmpitte die de jongers
verzamele en waèr of ze palmwien van maèkt om an verbiegangers te
verköpe. An de weg staèt 'n klein kraèm waèrop de flessen en glaèzen
staè. 5000 Rièl per flesse of 500 voe een glas. De wien brouwt tante
onder 't 'uus, in de köpere distilleerketel die nog van opa gewist is.
D'r gaè daègen verbie zonder da ze een druppel verköpe. Van den 'elt
van de karige opbriengst kopt tante in Sihanoukville blikjes Ankhorbier
voe dostige toeriste. 't Bier lopt beter as de wien, mae de marge is kleine.
Op deurdeweekse daègen zit Vanh in de schaduw van de nootmus-
kaatstruken te wachten op dostige passanten. Om de tied te verdoeen
Viiegere
I noe nummer 16