sniedt n olifantjes uut een stuk kharryhout. At n d'r wee eêntje of eit,
verkopt Thieu 't kunstige knutselwerk van z'n broertje an de paters van
Don Bosco. Ie kriegt er een dollar voe. 'Fair trade,' noemt pater John dat.
Mae de palmwien van tante in ouwe colaflessen, daèr ziee de paters
geên 'andel in. Onder 't 'uusje staè wè 'onderd flessen in voorraèd.
Ze gaè ete. 't Is nie vee. Riestballetjes, wat gekookte vis en groeene olie
neutjes in een sausje ni ge'eim recept van moe Phy. Bienaè den 'êle riest-
en groentenoest is deze zummer mislukt omda de moesson vee te weinig
regen ebrocht eit.
Voe da ze begunne mie 't eten mag Thieu 't gebed bidde dat 'n van
pater John geleerd eit. 'Our holy Father, Who is in heaven...' Mie stief
dichtgeknepe ögen slaèt Thieu een kruus en zeit de lengelse woorden die
alleên 'urn begriept.
De zunne gaèt onder.
Tante steekt de olielampe an.
In de verte roept een veugel.
Thieu's onzichtbaère voet joekt. Aodde wulder ok maer elektrieke
stroom, dienkt 'n. En een tillevisie, net as bie Djaw.
Merge mot ie wee mie Lip mee ni de stad. Ie lei z'n aerm rond de smalle
schoeren van z'n broertje.
Maer eerst gaè ze nog een keer vliegere.
Misschien staèt er merge genoeg wind.
Vliegere