Brieve van Jewannes
Jewannes (Zuud-Beveland)
Hallo meneer van de redactie -'t is a een stuitje elee a 'k van je 'oord
Nou ja, daèr is ok nie zövee nieuws tegenwoordig ee. Ik bedoele: 't is
allemaele nieuw en nieuws tegenworig, de leste jaeren. As aolles nieuws
is, is t'r agauw niks mi nieuws, is 't nie zö?
noe nummer 16
Mee mien gae 't goed. Je moe wete: ik leeve in 't beschermde gebied
van de 'ouderenzorg'. Je kent dat misschien: zö'n logo mie een bescher
menden 'and boven een stel ouwe zieltjes. Die mensen van de zurg-
centra 'èn bienae net zövee zurgen as de mensen die a d'r weune. Mae
ze maeke d'r nie zövee werk van... Want een 'uusmeêster is t'r nie mi op
de terminal - da's te diere. At er wat opdoet mö je lokatie Lillo mae
opbelle, dan bin ze d'r zö! Of de politie, 'èn ze gezeid. Nou, dan bin je
tegenwoordig toch goed beschermd en verzurgd, ee... Al-mie-al.
Overigens zurge ze nog wè tweê daegen in de weeke voe de tegel
padjes, 't gazon, 't knippen van de 'aege en 't schoon 'ouwen van de
dekgoote. Dus zit ik wè goed tussen goeie buurtjes!
Voe a 'k varder gae mie 't heden, mo 'k even terug ni 't verleden. Van de
weeke snuffelde 'k in de ouwe doöze en laet ik noe toch een prehistori
sche uutgaeve tegenkomme: 't tiedschrift 'Nieuw Zeeland' van april
1984. Mee een leerrede d'r in over 'wilde artsen' die a zei da 't over
nemen van een praktijk net eênder is as 't kópen van een schuure mie
aol de beêsten d'r in... Wilde artsen ja, mae ze verwachtte toen wè a de
beêsten nie even wild waere as de artsen, 't Stom gedierte, de patiënten,
moste tam weze - onder 't motto: as je gevuurd wor, mo je stille legge...
Stilzwiegend wier verondersteld a ierendeên dat begreep.
Afijn, over die wilde gevallen in de eerste-lijnszorg gesprake, daèr 'ebbe
'k dus wat ervarienge mie, zögezeid. En, dat mo 'k zegge: a je nog nooit