't Verschil
Albert Goeman (Yesse)
Oöns bin a wat ouwer maer me weunen in een jonge, kinderrieke
buurte. Me vindn't erg gezellig mie aal die kinders. Prachtig ok
die mooie uutdrukkigen die an ze soms 'èn.
Zö weunt er een endje vadder in oanze straete een pracht van een
gezinnetje, aalebei rond de dertig en ze 'èn tweê kinders, een
jongsje van zesse en een misje van drie jaer. Op een keer staè d'r
vader onder de douche. Ie dee nooit de deure op slot - dat von ie
nie nódig. Z'n dochtertje 'oordn de douche en mie een echte kin
derlijke nieuwsgierigheid most ze 's kieken. Ze doet de deure op
en mie gróte oógen kiek ze ni d'r vader. Dan ren ze ni d'r moeder
en zegt: 'Mama, wat ei papa noe an z'n buuk 'angen?' 'Oh, niks
biezonders', zei ma, 'dat is papa z'n piaster, dat 'èn aale mannen
en jongers. Oóns 'èn dat nie, ee.'
'Ei m'n broertje dat dan ok?'
'Ja natuurlijk, dat is toch ok een jongsje.'
'Dat mo 'k zien...' En zö rent ze ni d'r broertje. Kinders...
noe nummer 16 I
33
