't Was nog koud en nat. ledereên woekerdn mee ielk sprienkeltje ménselijke
en zonnewaermte. 't Was nog december, 't Was zö'n maond waorin mènsn
andere mènsn diengn toezeggen, waora zudder de gevolgn soms nie van
kunn en soms nie van wiln overzien.
't Was de maond waorin de gemeênte Axel, net as de meeste gemeêntn in
Nederland 'n deusnee van d'r inwoners opbeldn mee de vraoge of a zudder
naomes de gemeênte op 1 febrewaori nao den AorenaO in Amsterdam wildn
gaon om den anbieïng van 't Nationaol Geschenk en den ambras van 't
feêstgedoe bie te woonn. Wudder bin 'eêl deusnee. Wudder zeien toe.
Wudder wiern geroopn, wudder bin gegaon.