Schaemroöd
Marco Evenhuis (Souburg)
Weer a zö laete... 't Schient mae nie te wille lukken mee Noe dit jaer. Van
't vojaer waere me a zö laete (mee nummer dertien was dat, dus dat kon
oök wè nie goed gae), van de zeumer mee dat dubbelnummer goeng t
nog wè en net a je dienkt a je wi goed op steek bin, breekt dien duts van
een vurmgever tweê van z'n viengers mee 't keepen (Oöstburg 3 tegen
Koewacht 4)1 Mee gebroke viengers is t't nie echt makkelijk om een Noe
in mekaore te draoien, dus vandaer at 't noe weer a zö lang duurde. Bie
deze, mee 't schaemroöd op onze kaeken, onze excuses vo de vertrae-
gienge.
Consulent
Noe at 't deu aolle polletieke toestanden van de leste tied mee de erken-
nienge van 't Zeêuws een stuitje wat rustiger an gaet, is t'r wi tied vo
aore diengen in 't Zeêuwse streektaalwèreldje. Zö bin ze bie de Stichting
Cultureel Erfgoed Zeeland bezig een nieuwe consulent streektaelen te
zoeken. Marjolein Visser, die a toet ienkele maenden gelee die functie
bekleedde, is t'r mee gestopt. Nie om a ze 't nie nae d'r zinne ao, mae
om a ze bevaolle is van een dochter en daè vee tied an wil en moe
bestee. Me wense 'eur daè vee geluk, vospoed en de nódige leute bie
toe. Marjolein, 't was mee joe goed saemenwerke.
Supplement
Van de Zeeuwsche Vereeniging voor Dialectonderzoek bin ze druk doen
de mee de leste loodjes vo 't supplement bie 't Woordenboek der
i noe nummer 16
Zeeuwse Dialecten. An die anvullienge op 't welbekende Zeêuws woor
denboek oor noe a een jaer of tiene gewerkt, dus 't oor wè-r 's tied at t
verschient. Zö dikke as 't Zeêuws woordenboek oor 't van eiges nie, mae
't za alleszins de moeite weze.
Dialectendag
't Supplement za gepresenteerd ore op de Nederlandse Dialectendag die
a vo 't eest in Zeêland (Middelburg) g'ouwe oort. Da gebeur op de 22e
maerte 2003. In de Stadsschouwburg ka je dan luustere naè stikgoeie
sprekers over dialecten en streektaelen, kieke naè de presentatie van 't
Supplement, luustere naè muziek van Ambras uut 'Ulst en de Bende van
Baflo Bill uut Groningen en deelneme an werkwienkels over de Zeêuwse
dialecten, 't 'erkenne van een dialect en dialectologie oral history.
A je mee wil doe, ka je je vo mae tien euro inclusief middageten inschrie-
ve bie de Stichting Cultureel Erfgoed Zeeland. Meer info en een
inschrievingsformulier ka je kriege bie die stichting (tel. 0118-670870).
Op internet moe dat oök lukke: www.scez.nl
En dan Noe leze!
