Nieuw bloed
Jeanne Quist (±Schouwen)
'n Hortje of wat gelee was 't dat ik 'oorde van de landelijke
campagne. Neê, daer bedoel ik nie de verkiezingen mee, ook a
waere die boeiend genoeg. 'Zeêland wèrft nieuw bloed', zoiets
was 't. En ik meteen de informatiemap angevroge. 't Zou gae
over ménsen van 21 tot 45 jaeren oud of jong. Laet ik noe nog
mar vier-tweê weze, dat paste nog net. En ik kan toch van alles?
Ik kan type, ik kan grafisch vurmgeve, ik kan doöd-
graeve... ze zoue wel op me zitte te wachten. Docht ik.
'k Zag m'n zitte, in 'n 'uusje an 'n diekje. Nou ja, een flat was
oök wè goed geweest. A 'k mar wi terug zou weze.
noe nummer 16
