Nieuw bloed
'k Bin eigenlijk een gek mengsel van Zeêuwse culturen. Gebore in
Westkappel as product van eentje van 'Aemstie en eêntje van
Nieuwerkaarke. Toen 'k nog geên jaer oud was, wier 'k meegesleept naer
Schoóndieke. En van daer uut gienge we naer 'Olland. 'Adde ze me noe
mar laete zitte, vor mien part 'adde ze me op de stoepe van de kaarke te
vondelienge geleid, 'k Was 'oe dan ok wel goed terechte gekomme. Wat
mos 'k noe in 'Olland? Ja, op schoole gae mee kinders die niks deeje as
gemeên doe, èn dat was 'k acheêl nie gewend.
Groöt groeie dee 'k toch wel. Dat 'ou je zö nie tegen, ook al zou je t
misschien èrgenst anders beter en schoönder volbracht Eèn m'n
vriendinnetjes die ik nog in Zeêland 'ad, die waère jaloers op mien: dat
meisse woont toch mar mooi in de stad. De gróte stad. Mar ik was allang
bliee as 'k in de vakanties bie 'ulder mocht logere. Je kon d'r je vlaarken
nog 's uutslae.
D'r bin jaeren geweest da'k Zeêland nie zag. Dan aa 'k t vee te druk
mee uutgae in de donkerste 'olen van Rotterdam, mee niks an m n lief as
wat stikjes leer en wat flodders en een paer 'akken zo 'oög as de Plompe
Toren, mar dan schérper, 'k Docht da'k 't leutig von. 'k Trouwde d'r oök
nog, je doe j'n eige toch soms wat an.
En toen was 't d'r wT, op een dag van niks, zömaer uut 't nérgens:
Zeêland.
1 noe nummer 16
M'n vaoder stierf, m'n moeder stierf en ze lieten een leeg 'uus achter. Ja,
die stienkerds die waere oöndertussen zélf wi terug nae Zeêland gegae.
En ze ao d'r ulder leste jaeren geleefd. En waere d'r gesturve. M'n
vaoder die lei mar 'eêl gewoon in Middelburg, op 't asveid van t crema
torium, mar m'n moeder, ik mag 't eigenlijk nie verklappe, die m n
uutgestrooid op een plekje...
En noe wille ze nieuwe ménsen wèrve. Ik wil wè gille van: 'Ier, ikke,
neem mien, dit is m'n telefoonnummer. Bèl m'n op! Ik neem zö m'n
boeltje op om bie julder te wezen!
Leer en flodders en 'akken draeg ik allang nie mir. Eerder schoenen mee
profielzolen, daer as je de schèlpjes nog uut kan plukke as je over t
Verklikkerpad of zowat ei weze wandele...
