Vol vol
Charlotte van de Wiel (Terneuzen)
Van eên keër kan 'k 't me herinnern
We gieng'n naor den overkant
Mao zou 't nog wè lukn?
't Plein stoeng vol tot an de rand
Bitje bie bitje schoovn we op
Vol spanning kiekend naor die man
Naor die man van de PSD
Óns lot lig in zien 'andn
Even dochtn we geluk te 'èn
We kunn vast nog mee
Maor dao gaot toch dien 'and om'
De PSD-man schudt van neê
Moeder onderdrukt een vloek
Maor respecteert toch 't gezag
Nog eevn wacht'n voo 'k vraog
Of 'k om een frietje mag
