Dit beeld
Maartje Stuut (Oösterland)
Oösterland, 1 feberwaorie 1953
dit beeld
van 'oe sturm bleef raeze, 't waeter 'öger opjoeg tegen 't zolderraem en
'oe 't dek as een kartonne doöze de lucht invloog en raedelöze ouwers
nae d'r kinders greepe, d'r lief, d'r kleren, d'r 'ouvast en 'oe d'r schreeuw
ten onder gieng in overslaende golven, de baby wegdreef op z'n gebolde
plestiek broek en 'oe 't zusje nae de schóorstêen greep, ma 'oe ok zie en
aolle andere
de korte beelden van daenae en 'oe gin beeld mi paste toen een durp
verbaesd ten onder gieng, wier weggespoeld uut wat 't was
dat beeld
die beelden
en nog
noe nummer 17 I