Dao kom ze!
Charlotte van de Wiel (Temeuzn)
We waorn nèt op tied; 't léste plekje vooran bie de hekkens. Mie de zon
op onze rugge viel 't mee de kouwe nog best mee.
Ze za toch wè van die kant komn ee?
-Da za toch wè zeker?
Zou z'al op pad zien naor 'ier?
-'k Zal oma 's belle.. Ja oma, 't is mee óns ee. Wudder staon 'ier bie 't
Scheldetheater jao. Kom ze d'r al an? Oh, ze stao noe bie d'n auto. Dan
za 't wè nie lank meê duurn. Bedankt ee! Oma zei da ze de tunnel a g'o-
pend 'aod, maor ze moes nog in den auto stapn en naor 'ier rieën.
Dan za ze zó wè komm'n. Dienk je da ze ónze blomm'n anpakt?
-'k Weet 't nie, we staon een bitje verre van d'n ingang, dienk 'k. We
zien wè.
Daor kom een politie an op een motor! Jawoor, dao kom ze!
-Ik zie z'al! Gie zwaoi mee die blomn ee, dan maok ik een foto.
Ik kan nie klapn mee die blomn in m'n 'andn!
