Boeken schieven
Redactie (Zeeland)
noe nummer 17
Me ons as redactie van Noe lange tied nie wille bemoeie mee nieuwe
Zeêuwse cd's of boeken die a verschene bin. Toch ku me dae nie meer
onderuut. An de êne kant deudat er nogga een berg lezers bin die a om
besprekiengen vraege.
En oök om a d'r flienk wat schrievers en muzikanten zelf om vraege. D'r
is bliekbaer amperan andacht vo in de regionale media. Vanaf Noe ka je
dus in Noe oök terecht vo besprekiengen van nieuwe boeken, cd's en
meer van da spul in 't Zeêuws. Me bin dan wè zö lui om alleên daè over
te schrieven, daer a me wat van opgestierd kriege. Me gae d'r nie zelf
achteran. Een waerdeoordeêl moe je van ons nie verwachte. Me signale-
re alleên mae dat er iets verschenen is. At 't je an-staet, ka je d'r om in
de wienkel (asjeblief nie nae Noe belle vo adressen en zö, da wete me
oök aol nie) en mag je zelf j'n oordeêl vurmen.