Ochendvoer Siemen Janse (Oöskappel) Gek waere ze d'r op, de 'oenders, op ochendvoer. As ze genoeg krege, konde ze wel iedere dag een ei leie. En ze mochte iedere dag een ei leie, wan anders krege ze 't nie. Teminste nie genoeg om ook je plumen te laete blienken. Zodoende was ieder 'oen meêstal in de weere om trouw z'n ei te leien. En omdat 't scharrelkippen waere, deje ze d'r best om overaol in de weie en an de bosrand beêstjes, wurmpjes en gos na binnen te werken. Van aolles wat en overaol vandaen. Dat gaf mooie gekleurde dooiers en de smaeke was beter. Overaol waere d'r scharreloenders. De meêste in een groöt kot mee overal uutlopen. D'r waere d'r ook die apart zaete, in klei ne kotjes verspreid in de weie. Die 'aodde nog zelf een eieropslag in een apart hokje. Vroeger was dat 'eêl gebrukelijk en voordêlig. Mae noe, de leste tied, mee aol die eisen van kwaliteit en zö, waere de meêste daer mee gestopt. Je kon net zö goed je'n ei in 't gróte kot leie. Dan kreeg je daer j'n ochendvoer en 't was geregeld. Den 'aene vond dat wè makkelijk, dan was 't overzichtelijk. Daer 'ieuw n van. Dat de 'oenders van verderop, deur aol dat geloop, eigenlijk tekort kwaeme - daer ao d'n geên erg in. Ie docht bie z'n eige: 'ze 'ebbe daer in 't veld genoeg beêstjes en wurmen'. Vroeger leide ze de beste eiers. Ze mochte nie klaege. Ie ao a 's geregeld dat er 's zeumers logees sliepe bie d'r kot. Dat waere batterijkippen van verderop. Die konde dan wat bekomme in de vrieë natuur. Dat 'aodde ze wè nodig, want ze zaege d'r nie uut. Aoltied onder kunstlicht. Glad die konten kael. Maer eiers leie, soms tweê op een dag. Ze 'aodde dan ook volop ochendvoer.en den overschot naeme ze dan mee. Dat wier gedeêld mee de scharreloenders. Ze mochte dan slaope in de boom naest 't kot. Nie binnen, dat vond den 'aene nie goed. 'In de boom is mooi genoeg' zeide n. Of ze dan in 't naejaer as 't lekker weer was, ook nie mochte logere Dat leverde nog wat extra voer op vo de winter. Dan 'oefde ze rond de kerst nie om de dag over te slaen, mee leien. Wat een vraege, den 'aene wier d'r netig van. Ie dee z'n vleugels wied en stoof op die brutaole 'oenders af. 'Neê is neê en verder nie zeure', kraoide n. 'Me 'ebbe toch wat afgesproke, nou dan!' Verschrikt keek n om. D'r kwam een gróte 'aene op de deure van 't kot afgestapt. Prachtige veren ao d'n, in aolle kleuren. Dien ao vast vee ochendvoer. Dat kon je zö wè ziee. Sommige 'oenders kende n wè. Ie kwam van verderop uut de polder. Daer ao d'n een scharrelkot. Batterijkippen konde daer, as ze van de leg af waere, in ruil vo ochend- noe nummer 17 I

Tijdschriftenbank Zeeland

Noe. 'n bitje uut 't zuudwesten | 2003 | | pagina 33