Ochendvoer
er gaende was, ao je de poppen pas goed an 't dansen. 'Wat?', zeide ze,
'kotten gebouwd?' En d'r kammen trokke wit weg. Ze vergaete glad
waer ze vo gekomme waere en stove recht nae den 'aene. Dien ao daer
nie op gerekend en ie stotterde: 'Wat is t'r?' toen ze aollemaele dreigend
rond z'n stienge. 'Wat flik jie ons noe?', zeide de groötsten. Mee vee
piene en moeite moge me wat kippen laete slaope, in de bomen naest
ons kot. Allênig maer in de zeumer, om de wurmen te spaeren. En daer,
kiek daer dan' - en ie wees naer de bosrand. 'Aolle bomen 'aele je weg
en je zette kotten neer. Leve daer geên wurmen soms? 't Is nota bene an
de bosrand.' Het complete 'oenderkot kwam op 't rumoer af, de poeljen
voorop. Den 'aene kreeg 't noe toch wel een bitje benauwd mee zövee
volk rond z'n.
"t Levert toch ochendvoer op, ook vo julder?', probeerde n z'n eige te
verdedigen. Dat was olie op het vier.
'Ochendvoer', brieste eên van de poeljen. 'Eiers leie, zaje bedoele en
liefst vo den 'alve portie.'
'Je moete 's tevree weze', probeerde den 'aene nog. 'Tevree', riep de
poelje, 'ik moen algauw gae leie en ik 'ebbe nie 'ns een plekke om te
slaopen in je kot. Die kan ik straks allênig maer bekomme as ik meer dan
m'n 'alleve portie inlevere. D'r kan vor ons niks 'ier. Je vergeet dat jie 't
straks wè van ons moet 'ebbe. Of doch jie dat ik straks nog voer inlevere
as ik in de batterij weune. Vergeet dat maer!'
Den 'aene zag noe toch ook wel in dat n vee over 't 'oöfd gezieen ao.
noe nummer 17 I
