(1)
't Gebeurde de vorbiee zeumer. Bienao daogelijks maoktn m'n dochter
en ik e wandelieng over de wain van Aernburg en zoas iederen dag zeien
we tegen malkander bie 't zien van 'ons' banksje: "t is wee tied "veur
een pafke".'
Bie de bank angekomn, zaogn we een brokke brol in 't gos. 't Was te zot
vo woordn. In plekke van te genietn van 't uutzicht nao Djeê, praotn
wulder over niks as rotzoo. Moe je noe zien, gistern was 't 'ier zö proper.
Me giengn terug naor 'uus voo een fototoestel te 'aoln om foto's te
trekn van dien brol. Toen da klaor was, raopten we alles op en wier de
'êle troep mee naor 'uus genoomn. 't Waorn allemao verpakkiengen van
medicienn en wulder zouen graog weetn wat a 't al voorstelde. Thuus
kaptn we onze plastieke zak leeg voo alles nog 's te bekiekn. 't Leek
alsof de vuulbak van een apotheker op taofel lag. Zo vee stripn.
Di was de vondst:
- een strip Metronidazol tegen vaoginaole schimmels of tegen vaoginaole
witte vloed (die za vee jukte an de veure èn, wier d'r gezeid);
- een strip Furadantine tegen ontstekiengen in de pisbuuze;
- een strip Paroxetine tegen depressies;
- een strip Alprazolam tegen angststoornisn;
- tweê stripn Paracetamol 500 tegen van alles en nog wa;
- een strip Hexal, ook a een middel tegen infecties van de urineweegn;