- tweê strippen van chicken;
- tweê strippen Rennies tegen maogklachtn.
Dan nog e strip Furagastotin, mao da kosten wulder niet subiet vindn in
't Medico-Farmacotherapeutisch Kompas. Mao 't za ook wè teegn ont-
stekienge van de pisbuuze zien zeker.
Verders waorn d'r nog drie lege sigaretndoösjes en drie bliksjes van ener-
giedrankn en een kaortjie van de Bresjese boot.
Onze vonst verschafte vee amusement. Me giengen fantaseern en
speculeern. Me waorn akkoord da 't 'ier gieng om e vrouwe. Verslaofd
misschiens, mao alleszins ziek en mee vee jukte. Een angsthaose, een
verwarde. Of zou 't om e zieke pelgrim gaon, die nao 't zicht op Djeê
genezen wier. Onze schone stad is immers oök een pelgrimsoord, de
weunplekke van de H. Maria met den Inktpot.
De anonieme smèrlap veranderde voo ons fantasierijke oöge in een
devote zondaor, die nao gebed 'eur oude ballast in 't gos smeet, van
jukte verlost wier en een nieuw leven begon. Deu nao Djeê te kiekn en
deu de Heilige Maria mee den Inktpot. Vaneigest.
(2)
't 'Ier bienao een geweunte gewordn om bie onze wallenwandeliengn
oök een bezoeksje te briengn an de begraofplaotse. En altied gaon wul-
Langs de wain van Aernburg
der nao da hoekske waor an tweê Australische en vuuf Canadese joenge
mann begraovn lign. Militairen die ulder leven gaovn in de Tweêde
Wèreldoorloge. Dao staon we een keê stille en dienkn we nao.
't Was een schone zeumer gewest, mao vee tied vo te têkenn was d'r
nie. Vee werkn in de lochting en d'r was oök vee te bekiekn.
Penseelkevers (Trichius Fasciatus), een zeldzaom insekt, maor 'ier nie.
vee salamanders, spitsmuuz'n, gehakkelde aurelia's. Genogt om je nie te
verveeln.
In 't begin van 't naojaor zag ik zelfs de grote aerdslekke(Limax
noe nummer 17 I
37
