De grootste nood nae 't waeter
Marco Evenhuis (Souburg)
't Afgelope 'aolf jaere ei de geografische gesteldeid van ons gewest op
een berg manieren centraal gestae. Me de herdenkienge van de wae
tersnood g'aod, d'r bin boten verdwene, d'r is een tunnel geopend, de
kleine bootjes tussen Schouwen, Noord-Beveland, Tholen, Zuud-
Beveland en Walcher blieke populairder as ooit, d'r bin weer aoltmae
meer bruunvissen in de Westerschelde, onze zieke zeê'onden moete op
een reize van vier uren nae Pieterburen bluve gae (terwiel a ze in een 'alf
uure in Blankenberge kunne weze) en gae zö mae deu. Slae een krante
van 't afgelope 'aolf jaere open en je kan d'r nie rond'eene: Zeêland
bluuft een land van eilanden en breêe waeters en dieken en bóten. Daè
kan een knienepuupe van een kilometer of wat niks an verandere.
In deze Noe volop aandacht vo de tweê belangriekste van de diengen
die a 'ierboven genoemd bin. De waetersnood en de tunnel. Of liever: de
waetersnood en 't ende van de PSD. 't Ende van de PSD. Misschien wè
de grootste Zeêuwse nood nae 't waeter.
Flienk wat tekst en een 'êle reêste foto's me te danken an Charlotte
van der Wiel. Die eit 'eur afstudeerproject over 't verdwienen van de
PSD-bóten gedae. Netuurlijk is ze daè mee Zeêuwse vlag én wimpel mee
geslaegd. Bedankt proficiat.
Leste Noe
Mae wat anders Noe. Dit is de leste Noe. De leste Noe mee vertrae-
gienge. De leste Noe mee problemen in 't productieproces. De leste Noe
I no® nummer 17
waer a me ons as redactie vo moete schaeme. Neêe, nie vo den inoud.
Die eit aoltied goed geweest. Mae vo de langzaeme en bewerkelijke
maniere waerop a de productie verliep.
Vanaf Noe gae me dat aol anders doee. Me kriege een schrievende
redactie, die vo de basis van aolle kopij moe zurge. Da betékent da me in
't volgende nummer wat mensen presentere die elk nummer wille zurge
vo een gaeve actuele repertage. Zö me dan de zekereid da me nooit
meer lang 'oeve wachte om een nummer uut te kunne geven. Noe zitte
me nog a 's dumen te draoien en eiken dag te 'ópen at er bruukbaere
kopij bie de post zit om 't kommende nummer wi wat verder mee te
vullen. Schrieve doee d'r sowieso a nie vee. En in 't Zeêuws is de viever
mee schrievers daer a me as redactie nae moete visse wè 'eêl kleine. En
zö kon 't gebeure da me soms naebie een 'alf jaer mochte wachte op een
nieuw nummer. Da kón gebeure. Noe nie nu Noe nieuwe stijl zurgt
gegarandeerd vo een stik regelmaat en kwaliteit. Da za je ziee.
Plezierig mee deze nieuwe Noe. Wedde da je den dezen 's nie allank a
uut eit as de volgende verschient?
