Vertaele
Vertaele in't Zeeuws, waerom zou je dat doee? Ae noe, da kan
'k je vertelle: omdat 't een angenaeme bezigheid is.
Probere om de geêst van 't origineêl, en as 't even kan óók de letter, in
jen eige dialect te bewaeren. En dan die kwaliteit ervan vastouwe en
liefst ook de cadans en misschien zelfs de toon van de originêle tekst:
ruug en ongesnikkerd of juust charmant deur de bedekte tèrmen en
suggesties achter de woorden.
't Is natuurlijk aoltied een probeersel en vatbaer vó verbeterienge.
'Ier onder volge een couplet van een song van the late great Townes van
Zandt en mien Walcherse vertaelienge. Een echte vrieë vertaelienge,
trouwens.
Ik nódige julder uut om ook 's een vertaelienge uut jen 'emdsmouwen te
schudden. Van je favoriete singer-songwriter, van AC-DC of van Edith
Piaf. Aolles mag. En dan opstiere naè de NOE, natuurlijk. Vee succes
enne... dat 't leuk wérk is, mérk je a doende wè.