Bossenblieliedje Piet de Blaeij (Axel) 'k Fietsn deu den polder mee voo-rop in een stoeltje m'n jongste kind mee een 'eêl blie smoeltje. 'k Dienkn bie m'n eign: "Wa zou ze zien, 'iertn in den Bossenblie?" Zelf zien 'k grote lapn terve en lienks en rechts de boerenervn. "Kiek pappa, dao zit een piempampoentje! Kiek pappa, dao, da wolkje is een schoentje." Boeren'oovn zien 'k as industrie. Overa, dus oek in den Bossenblie. "Kiek pappa, wa staon dao schone blomn! 'Oor jie die vliege oek zö bromn?" 'k Ben over den diek noa de Steênovens gereën. "Kiek pappa dao, alle 'uuzn staon beneën. Kiek pappa dao," zegt ze laoter opgelucht, "Kiek je van beneën dan staon de 'uuzn in de lucht!" I noe nummer 18 'k Fietsn deu de polder mee voo-rop in een stoeltje m'n jongste kind mee een 'eêl blie smoeltje, 'k Dienkn bie m'n eign: "Wa zou ze zien, 'iertn in den Bossenblie?" Zelf zien 'k gróte lapn terve en lienks en rechts de boerenervn. "Kiek pappa, dao zit een piempampoentje! Kiek pappa dao, da wolkje is een schoentje." "Kind, kiek 's nao die kromme wilgeboömn. Dichters dichtn dat die staon te droömn. De kunst van 't kiekn is kiekn as een kind en de kunst van 't praotn is fluustern in de wind." "Ten oosten en zuiden van Axel liggen vier Beoosten Blij polders. De Beoosten Blij Benoorden polder uit 1654 ter grootte van 977 hectare, heet in de Axelse volksmond De Bossenblie."

Tijdschriftenbank Zeeland

Noe. 'n bitje uut 't zuudwesten | 2003 | | pagina 14