Vo Bolle Jan, uut Vriendschap 18 I noe nummer 18 Wat bluuft er noe nog over an brune cafés in Middelburg? Weinig. De Geere is ook a ge-update. Wat me nog? Een liestje goeie doelen (doet 't oök altied goed in december): brieng je drienkgeld mee gróte spoed nao: De Reutel (officieel Kanaalzicht in de Stationsstraot - toelichting nie nódig), Dampoort (an de Dampoort netuurlijk), De Zwarte Ruiter (aan de Dam, mee banaoneplant) en 't Geintje (oftewel Bie Leo, op den 'oek van de Lange Viele en de Pottenmarkt - doe 't gerdien vo de deur goed dicht as je binnenkomt, anders trekt 't zó). En wie d'r een nieuwe stamkroeg vo me weet, mag 't zegge. M'n ouwe bin verslete. Salu, Bolle Jan, salu!

Tijdschriftenbank Zeeland

Noe. 'n bitje uut 't zuudwesten | 2003 | | pagina 20