Dichters gevroge
leze!
Redactie (Jan Zwemer - Oöskappel)
De serie 'Honderd Dichters' die a in Leiden uutgegee oort, is op
zoek naè gedichten in 't Nederlands, Fries, Afrikaans en in
Nederduitse, Nedersaksische en Neder- en Middelfrankische
dialecten.
Juust, daer oor 't Zeêuws ook bie. Want da's een Nederfrankisch dialect -
en geên dialect van 't Nederlands, zöas domste ménsen bewere.
Wil je publicere in de serie 'Honderd Dichters', dan ka je vuuf gedichten
van j'n eige opstiere naè 't adres dat 'ier onder staet. 't Mag ook een
vertaelienge van een bestaend gedicht weze, in dat geval moe je 't origi-
neêl ook mee stiere. Eên van de vuuve oor uutgeköze vö de bundel.
Op 't moment oort er gewérkt an de achtste bundel mee 'onderd
gedichten. Je kan dus instiere vö nummer negene. Nummer achte en
trouwens aol de vorige nummers kajje bestelle. D'r staen 'eêl wat gedich
ten in 't Afrikaans in, dus ajje daer aoltie a 's benieuwd naè bin geweest,
dan is 't zeker an te raoien om d'r eêntje te bestellen. De 'eêle reeke van
zevene kost trouwens 49,99 Euro. Overmaeke op postgiro nr. 2142865
en dan dit adres d'r bie: Stichting Internationaal Forum, Seringenstraat 37
a, 2313 VS, Leiden.
't Adres vö 't instieren van de gedichten is ommedebie 't zelfde:
Redactie Honderd Dichters
t.a.v. Annekoosje Ming
Stichting Internationaal Forum
Seringenstraat 37a, 2312 VS, Leiden
Je kan 't ook e-maile, mae dien man (nie naè Annekoosje dus, maer een
anderen van dien stichting) eit gevroge of je dan geên 'bielaegen' wille
gebruuke. Zetje gedichten dus in de mail zelf. Z'n aopestaertkot 'eêt:
jbiezen7@freeler.nl. En doe ons een kopietje van je inzendienge om een
plekje in Noe te geven! Ons adres: noe@amaai.nl.
Vee succes en laet die ménsen mae 's een Nederfrankisch proenkstik
noe nummer 18 I