Bie ons op rt durp
Pier van Damme (den Polder)
hommage aan de 'Bespieghelaer', Willem Vaarzon Morel Sr. (1901-1982)
Van de zeumer waere d'r tweê 'eêl aparte tentoönstelliengen op
Walcheren te bekieken. Eêntje in 'De Schotse 'Uzen' te Veere: 'Heel de
wereld trekt naar Veere', aol rond schilders die in Veere geweund en/of
geschilderd 'ebbe. En eêntje in Domburg 'Vaarzon Morel, een schilders
familie' 't Marie Tak van Poortvliet Museum 'eit de leste jaeren niks as
biezondere tentoönstelliengen, mae deze was toch wè stikgoed. Ons
Zeêuwen roeme nie zö gauw, dat leerde ons nie van onze ouwers.
'Dat ziet er nie slecht uut', kreeg je te 'oren as je ienkel negens op je
rapport ao!
En "k Mag nie klaege,' as je de 'onderdduzend gewonnen ao!
En daevandaen dienk ik, dat aol die kunstenaers vee te weinig waerde-
rienge gekregen 'ebbe van ons, de mensen die naest ulder weunde en
van wie ze d'r vee geportretteerd 'ebbe.
De familie Vaarzon Morel 'oorde echt bie ons. Toen groötvaoder Morel
(1868-1955) in de zeumer van 1910 Veere binnenzeilde, was n zelf
bedeêm onder de indruk van 't ouwe stadje an 't Veerse Gat. Mae dat
z'n zeune Willem (1901-1982) én z'n kleinzeune Wim (1931) d'r ook
gienge schildere, kiek dat aod n netuurlijk nooit kunne dienke!
Ad Beenhakker 'eit een prachtig boek over de fermielje Vaarzon Morel
saemengesteld mee dezelfde titel as van de tentoönstellieng 'Vaarzon
Morel, een schildersfamilie' mee vee plaetjes en afbeeldiengen van
I noe nummer 18
schilderieën van alle drie de schilders. Machtig mooi!
Ook vo de tentoönstellieng in Veere is een butengewoon boek verschene
van Kees Leeman mee dezelfde titel as de tentoönstellieng 'Heel de
wereld trekt naar Veere'. In dat boek ore alle drie de schilders Vaarzon
