Fietstocht naor Srebrenica
Jan Bruens (Aernburg)
Dien ochtend gieng de telefoon.'t Is mien boekhandelaor uut
Sluus. 'Srebrenica is angekommn', zeit *m. Ik maokte een
rondedansje van vreugde.
't Gieng over 't driedêlige rapport van 'et Nederlands Instituut voor
Oorlogsdocumentatie.'Srebrenica,een veilig gebied', 'k Kost nie wachn en
most geliek nao Sluus. Maor buutn bulderde de wind, minnestens kracht
zevene en uut 't zuudwestn. Jas, sjakos en fiets gepakt, 'k Gieng d'r toch
mao van tussn...
I noe nummer 18
Nao deur de kaaipoorte gereên te zien, most ek kiezn tussn de Hogeweg
en de Blauwe weg vo bie Sluus te kommn. 'k Aa wè goeste vo de
Blauwe weg te neemn. 'k 'Ad daor kortgeleên zowaor een muuze'ondje
gezien. Ondertussn ploegde 'k tegen de wind. 't Was een wreêd straffen
bries. En 'k zat te dienken an Srebrenica, 't Gebeuren dao aa groten
indruk gemaokt. 'k Aa d'r boekn over geleezn zoas 'Srebrenica. Record of
a War Crime' van Jan Willem Honig en Norbert Both uut 1996.
Bloedstollnd. Zelfst maokten ik in augustus 1995 'ne reêks abstracte
schilderieën over Srebrenica, mee de titel 'Bosnische Zomer'. Fantazeern
op de fiets. De straffe bries bleêf. 'k Waor 'alverwege as 'k een auto an
'oorde komme.
't Geluud van de moteur wier overstemd door snoeiarde muziek. Je kent
da wè. 't Gieng van boem,boem boem. De waogen verminderde vaort
en gieng nevens me rieeën. De portierraomen wierden geopend. De
'petdraogers' begonne geliek mee scheldn en tiern. 'k Verschrok d> van.
En mien aodem stokte as de waogen dwars over de weg gezet wier en
vier kérels uutstapten. Ulder bedoeliengen waoren dudelijk. Mot zoekn
vanzelfst. Al dien tied klonk de snoeiarde muziek en overstemde saomen
mee de wind ulder dwaoze getier. Mao 'k was wè bange, mö 'k zègge.'t
Gieng noe dudelij de verkeerde kant op vo mien. D'r begost er ene te
schoppn nao m'ne fiets. En 't wier rap erger as er ene an de bagagedrao-
ger begost te trekkn. 'k Kost geên kant uut. Die kérels waorn de puber-
leeftied lange vobie. Goeie raod was diere. De overmacht zorgde d'r veur