Ei je noe róms epoemerd?
Joos Heerebout (Kloetinge)
Onder an de Neuteboomdiek bie Ter Nisse weunt 't echtpaer
Harthoorn. Adri en z'n vrouwe. Adri is een paerdeliefhebber, da
zie je zó. Of liever: je 'oort 't direct, want ie kan t'r eindeloos
over verteile.
Flie weke maèndag 'k naè z'n toe ewist en toen 'k z'n schatten 's
meuge ziee.
Mooi at 't was. Je zou zö wille, a je nog 's in die verbieë waereld kon
terugkieke. Da kon van eiges nie, mae an 't praotende mie Adri
Harthoorn ka j'in de geêst toch een ènde komme.
't Begunt a, a je de schure nog mae binnenkomt, 't Eerste dat a je ziet is
een rek an de muur vol mie 'oefiesders. Aol verschillend van vurm, ver-
scheie mie een geslote onderkant. Eên eit 'r een stikje leer achter daèr a
in uutgestanst is: 'Hoefsmid met Rijksdiploma, N. Leenpoel, Kamperland
1923.'
Even vadder staè de paerden. Ze kunne zö in en uut loöpe. Drie Gronin
ger paerden. Eên mee een Geldersen inslag. Vroeger ao je paerden in
aollerlei soorten en zwaertes. Groningers bievoorbeeld liepe ok wè voe
de koesse. (een 'olfbroer is t'r 's eschonke an de koninklijke stallen. Toen
kreeg d'n een naèm van een koetsier die a overlejen was).
Om mee de paerden te kunne werken ao je natuurlijk aollerande gereêd-
schap en tuug nódig. Daè laèt Adri van aolles van ziee. Zö eit n nog een
echt Zuudbevelandse elder. Ja, wan die van Walchere of Thoien bin wee
aars.
Ie vertelt over de loeie. A je mie de loeie ment, dan kun je 't of mee eên
liene en dan ei je een 'and over voe je werktuug, je ploeg bevoorbeeld.
Zö me de stuitreêp. Dat is een onderdeêl van 't tuug, daèr at 't roep-
paerd (het rechterpaerd) van een span mee an de zwienge is verbonde.
Deur 't vaster of losser te doen, ka je n dus meêr vrieheid geve.
Ie vertelt ok over de dubbele zwienge mee een verstekgat, een bitje uut
't midden daèr a je mee kon regele a een jong paerd wat minder 'oefdn
te doeen. (Ik doee d'r een plaètje bie. Beter kan 'k 't nie uutlège).
noe nummer 18 I