Nog belangrieker as 't tuug waère natuurlijk de mensen die a bie de
paerden om moste gaè. Daèr ao je nog vee verschil in. J'ao t'r, die konde
meer as are. De Jeronimussen, bievoorbeeld, dat waere biezondere men
sen. Die konde paerden leere en dressere. Mae toch kon t'r dan ok nog
wèr 's wat fout gaè. In den oorlogstied 'aèlden ze stammetjes in Brabant
om 'ier te planten. Mae in 'Oöger'eie ei-je ok noga lange aprellen. Eên
zou d'r 's een paerd meeneme en in 't spoor brienge van Jasperse van 't
Langeweegje in Kwaèdamme. Mae daèr is t'n mee verongelokt Die
waegens ao geên remmen, weetje.
Gelokkig waere d'r ok akkefietjes, die a beter ofliepe. Zö gebeurden 't
een keer at 'r een paerd in de dulve terechtn kwam. 't Was nog een jong
paerd. Mae 't was zaèterdag tegen den aèvend, dus nie vee mensen op
de weg. Mae ja, dat paerd dat most d'r uut. Dan den ouwe Jan
Driesprong mae ehaèle. Daè wier een kille estoke, zö at 't nie ml zo steil
was, en daè wier een bitje dinne modder op egooid om beter te slieren.
Meêstal ao je in de Poel van die droögerige grond, weet je, maer ange-
ziee a d'r nie genoeg mensen wiere om t 'ellepen most 'r nog een paerd
biekomme. Bie 't paerd in de dulve wier een reêp vastemikt achter z'n
oore mee een maststeek (wan dan trok je n nie dicht) en in z'n bek (erg
in 'ouwe: de tonge most boven de reêp zitte). Het paerd boven op de
kant wier d'r an vast gemaèkt mee een zwiengetje. En dan trokke, zö
zachtjes meugelijk ee. En dan Jan Driesprong, ok zachtjes: Ei-j kom mae,
ei-j kom mae...
Ei je noe róms epoemerd?
't Is Jammer, a 'k aolles nie kan naèvertelle, dat a 'k 'oorden. Ik wè
begrepe at 'r 'eêl wat kom kieke bie 't werk op 't land bie de paerden.
Daèr ei je as gewoon mens glad gin weet van.
Sommigte mensen vinde 't zo mooi, die maèke d'r gedichten over. In 't
boek van Jantje de Prenteknipper staè d'r verscheie. Eên staèt er bie Adri
in de schuure op een plankje eschreve. 't Gaè zö:
Het land te bouwen is mijn lust
Mijn hart en zinnen zijn gerust
Ik wei het rundervee
Gelijk als vader Jacob dee.
noe nummer 18 I