Putwiekstraete, Regentessestraete, van Visvlietstraete en achter de Kromme Nieuwstraete bievobbeld. Boven de Kanaalstraete en den Burg (zö een bitje ten noorden van de lijn station-kerk'of) bin d'r wè wat, mae een stik minder. Achter de Gouwestraete ei je d'r wat. En in Schoönenburg leie 'ier en daer wat kleine, verlore tuuntjes. 't Zit in de pöten Wat a opvaolt, is dat naebie aolle grotere complexen particulier bezit bin. De gemeênte ei wè grotere complexen op Souburg g'aod (eerst op den Burg, laeter an de snelweg), mae noe a ze an de snelweg 't zöveeste terrein vo bedrieven an 't inrichten bin en de tuunders wi weg mochte, ze gin nieuw complex meer ingericht. Economisch nie interessant genoeg zeker. 't Verschil tussen openbaere en particuliere tuuntjes ka je goed ziee: de gemeêntetuuntjes in 't durp zelf glad zövee koterietjes nie as de parti culiere lappen buten 't durp. Die stae vol mee de meêst wanraekte bouwsels. Daè heerst noe echt totale chaos anarchie. Den eên gebruukt z'n lappe vo caravans te stallen, den aor 'ouwt er 'oenders, geiten, pony's of zelf struusveugels op (Deinsvlietwegt). De énen zet er een 'outen kot neer mee een luie stoel d'r vo en ie zaoit zö te zieen voraol kroönkurken. Den ander weet nog van de rieme en zet z'n spae 's aevens in de olie. De echte 'oveniers vin je voraol binnen de durpsgrenzen. Van drief'out getimmerde koten kom je voraol an de Deinsvlietwegt nog a 's tegen. Vreêd verrast was ik van 't complexje an de Loödwegt (naebie Ritthem, mae nog net op 't grondgebied van de ouwe gemeênte Souburg). Dat ei in eersten anleg volgens mien voraol een kleine privé bogerd gewist; d'r stae nog a wat 'oög opgeschote en slecht onder'ouwe fruit. Toen ik er ankwam, trof ik daè een stik of twintig tuuntjes die a d'r aol wè 'eêl erg onwerkelijk uutziee. Nest een keurig tuuntje-mee-Zwitsers- noe nummer 18 I 37

Tijdschriftenbank Zeeland

Noe. 'n bitje uut 't zuudwesten | 2003 | | pagina 39