Vetten en maegeren
Marco Evenhuis (Souburg)
't Is 2004. 't Is zeven jaeren naedat de Zeêuwse commissaoris van de
koneginne Van Gelder aandacht vroeg vo 't Zeêuws as wezenlijk onder
deel van de Zeêuwse cultuur en de Zeêuwse maatschappij anno noe.
Mae noe, in 2004, bluuft 't anmoddere. D'r is nog niks wezenlijks
gebeurd, niks is t'r veranderd - b'aolve da Noe in 1998 gebore wier.
D'r is nog aoltied niks bekend over de erkennienge van 't Zeêuws as
streektaele, d'r verschiene nog aoltied naebie gin interessante muziek- of
literatuuruutgaeven in 't Zeêuws en de belangstellienge vo de streektaele
in de media loop nog aoltied nie over. En om ons eige 's me op de schoe-
ren te slae: Noe is a vier keren achter mekaore laeter uutgekomme as da
me dochte. Noe weer a.
Mae dat leste probleêm lost z'n eige naebie vanzelf op in 2004. Me bin
bezig 't productieproces te versnellen en me ore strenger op 't toepassen
van de Zeêuwse schriefwiezer. Dat dienk me nie vo niks, mae vee men
sen die a stikken instiere dienke a me vo ulder wè een uutzonderienge
maeke. Ze neme de moeite nie om d'r besten te doeen een bitje op de
spelling te letten. Daedeur doee ons as redactie dikkels nie anders as
aolle dekjes op de goeie plekke zette en aolle oa's te veranderen in ao's.
Monnikenwerk daer a me graog van af wille. En da gae vo een groot
deêl lukke deu tweê redactionele nieuwig'eden: me ore strenger op inge
zonden stikken én me kriege een grote redactie die a in 't vervolg vo een
groot deêl van de kopij moe gae zurge. En die redactieleden schrieve
I noe nummer 18
netuurlijk wè in de afgesproke spellienge.
De nieuwe redactieleden, waervan julder de meêste a wè as regelmaetige
schrievers kenne en waervan a je in dit nummer a biedraeges kan leze,
gae vanaf 't kommende nummer an 't werk. Dan zulle ze d'r eige ook an
julder vorstelle. Noe avast de naemen: Piet de Blaeij (Land van Axel);
Cindy Buteijn (Zuud-Beveland); Jan Bruens (west-Zeêuws-Vlaondern);
Marco Evenhuis (Walcher); Arie de Viet (Tholen); Charlotte van der Wiel
(west-Zeêuws-Vlaondern); Jan Zwemer (Walcher).
Cees Maas eit jaerenlang as een soortje van stand-by redacteur an Noe
meegewerkt, mae daer eit n 't noe eigenlijk te druk vo. Ie za z'n energie
in Ballustrada steke, een Zeêuws literair blad in 't 'Ollands. Bedankt Cees!
De nieuwe maniere van werke mee redacteurs die zelf een flienk deêl
van 't blad zulle gae vuile, wil netuurlijk nie zeie da kopij van aoren nie
welkom is! Sterker nog, die kopij is 'arder nodig as ooit. Me kunne ons
alleên wè permittere strenger te selecteren op kwaliteit, omda me mee de
redacteursbiedraegen a een kwalitatief goeie basis
Zö bluve mee Noe druk ons steêntje bie te draegen an een betere positie
en de toekomst van de Zeêuwse streektaele. Erkennienge of gin erken
nienge, vee of weinig media-aandacht, ons doee deu. Oök nae zeven
maegere jaeren as 't gaet om de emancipatie van onze taele. Lae me
'ope a 2004 't eerst is van een reeke van zeven vette jaeren.
