image. 'Ie liet z'n tandn zien en lachte daobie om 't effect te benao-
drukkn. Mee z'n angepaste en vergrote 'oektandn zag 'm dr uut as een
achterkleinzeun van graef Dracula.
Tatoeages en piercings 'ad ik al eerder gezien, mao dezen vorm van zelf-
verfraoiieng was toch wè nieuw vo mien. Verder waorn d'r allerlei andere
vurmn van Gothic parafernaliae, zoas bie dien stijl be'orende scherpe
riengn en 'alskettiengn. 'Mee van die Draoculatandjes kan je goe bietn a
je an 't vrieën bin, zei de tattooman. Of misschien kan jie nog andere
kunstjes?'
Al rap dwaoldn 't gesprek af nao andere extremen. Ik 'oordn de naome
van wijlen John Massis valn, de Vlaomse krachtpatser van weleer. Jao,
die plooide mee z'n tandn een treinrails, zodat de trein ontspoorde. D'r
wier toen geên klacht ingediend, want ie zette de trein netjes terug op
de railze. Dien vent was sterk.
De fantaosie van m'n taofelgenootn kende noe geên grenzn meer. Al rap
gieng 't gesprek over krachtpatsers in algeméne zin. 'k Èn zelve ok an
krachtsportn gedaon, begon tattooman en 'k ken vee mensn uut die
sfeer. Wete gij dat de lui die zichzelve an vleêshaokn laotn optiln van te
veure geprepareerd zin? 'Ulder 'ebbn buzekes in de rik laoten implan-
teern. Allemaol onzin, meênde tattooman, de meêstn gao vo naturel,
zonder kunstgreepn en ok zonder dien cocaien, want da scheen in dien
sfeer ok nog a 's gebruukt te wordn.
'Ken je die van dien kérel die biljartballn kan inslikkn en danae zelfst ne
Spook'uus
John Massis, de Vlaomse krachtpatser van weleer, an de Koornmart in Gent.
keu? En da alles ok weer kan ophoestn?'. 't Was een enerverenden
aovend, daor in Terneuzn.
Noe nummer 18 I
