12
I noe nummer 19
mee 'n bus te maokn èt, doet afbreuk an't ontwèrp.
Neem noe de paoltjes mee de vetrekstaot'n. Die ben dao dudelijk nie deu
de 'kunstenaor' gezet. Hoög'uut deu de 'museumdirecteur', 't Slao feite
lijk nérgens op. Ook de prullebakk'n 'oom d'r glad nie bie, om van de
buss'n zélf nog mao te zwiegn. Da Terneuz'n zö'n dienk laot bouwn, da
mag 'k wè. Maor noem 't dan een kunstwèrk en geên busstation. Of zou
't misschien zo zien da Terneuz'n z'n eig'n op de kaorte probeer te zettn
mee z'n buskotjes? Want w'èn d'r nog zö eên weet je, op 't stad'uus-
plein. Ook 'n buskotje da geên buskotje wil zien.
Ze valn wél op, zukke kotjes. D'r wor over gepraot. A ze zö deugaon,
duur 't nie lank of d'r kom een speciaole route van d'ANWB: 'De mooiste
bushaltes van Zeeland'. In de volksmond ook wè 'kotjeskiekers'
genoemd. En as die kotjeskiekers dan geluk èn, zien ze 'n verkleumde
reiziger in zö'n kotje, zittend op een tweêde'ands stoeltje uut Antwèrpn.
