Medewerkers (1
Jan Bruens
'Proficiat! Gie bin wao-
schienlijk den eêsten
allochtone Zeêuw die a
schrieft in de streek-
taole'. 't Bewies da m'n
inburgering geslaogd is?
I noe nummer 19
't Was in 1968 da'k in Zeêuws-Vlaondern kwam weunn. Geboorn in
Rotterdam in d'oorlogsjaorn, volgdn een turbulent leevn in Ierland en
laoter in 't gistende Amsterdam van de laote jaorn zestig.
Mien eêste weunplekke wier Cezand-Durp, gelukkig nie te verre van
strange. Nao korte tied veruusde 'k nao Zuudzande. Daonao volgdn
Oöstburg, de Biezn (lekker in de buutn) en d'Eê. 't Was daor waor an 'k
belangstellieng kreeg voo de streektaole. Uut noöd, want d'r wier alleêne
mao 'Djeês' geklapt; een perfecte mengelienge van Vlaoms en Zeêuws.
Ik wier me bewust van de taolriekdom en begost te prombeern plat te
praotn. 'k Luusterdn vee en piktn vee nieuwe woordn op. Van 1979
weun *k in Aernburg.
Vee teêkenn wor afgewisseld mee tiedn van vee schrievn. Tien jaor lank
maoktn ik deêl uut van de redactie van 't anarchistische blad Gramschap
en maoktn ik boekbesprekiengen vo T Amsterdamse blad Bluf. Verders
vertaoldn 'k boekn zoas 'Vrouwen van Ravensbrück' (ook op xt internet
te vindn), 'Guerillastrijd in Peru 1965' door Hector Rivera (uut't Duuts)
en 'Voor de bevrijding van Brazilië' van Carlos Marighela (uutxt Engels).
Vanaf 't ontstaon van Noe stoeng vo mien vast: dao gaon 'k vo schrie-
ven. En da èn 'k al een paor keêrn gedaon. 't Credo is "ier: de Zeêuwse
taole is de schoonste van allemaole en da loatn me gaem zien. Daorom
wil "k meewerkn om van Noe een succes te maokn en om in dezen tied
van schaolvergrötienge en globaolizerieng tegen de stroom in de streek
taole de plekke te geven die ze verdient.