Liefdesvèsje
15
Rian den Haan (Schouwen)
Ik zou je polsen wille pakke
Daerover wrieve. Zachtjes nae bove
Tot j' èllebogen en wir trug
Ik zou God wille bidde:
Mag ik 'ier vor aoltied in 't zand zitte
En d'aertjes op j'aermen voele
Je polsen omvatte mee mien zochte 'anden
'Ee, 'oor jie die meeuwe schreeuwe
En kiek 'ier, die schèlp
Leit 'ier vor joe, doet 'm mar in je zak'.
Je blaauwe ogen mee brandingen d'r in
Joe 'aer is klaer as de duunen
En joe lach klienk beter in mien oren
Dan wélke opgetogen meeuw dan ok.
noe nummer 19 I
