wazzen: een prachtige antieke klokke, zeker een paer 'onderd jaeren
oud. Die klokke liep precies op tied en aa een mooie melodieuze klanke a
ie de 'alfuren en de uren sloeg. Geên mens mocht er ankommen; alleêne
ik, omma 'k erg in d'r vertrouwen stoeng en noga 's kleine booschapjes
voe d'r dee. Eên keer in de weeke most de klokke op'ewonnen worren
en dat dee ik dan, ze durfden zelf nie op een stoel gaèn staen - en een
trapje aan ze nie.
Jaeren an eên stik won ik dus die klokke iedere weeke op, maer op zeke
ren dag kreeg ik n nie mi op gank. 'Ik dienke a 't uurwerk vuul is,' zei ik.
'Ie zou wè-r-'s schoönemaèkt motten worren.' Ze dochten dat ok en ik
bestellen de klokkemaeker. Die kwam d'r om en zou n naekieken. 't Zou
wè-r een paer weken duren wan ie aa 't erg druk, mae dat vonnen ze
goed.
Ik mosse net voe enkele weken op reize voe zaken en toen ik terug was
gieng ik naè m'n vrienden. Daèr zag ik direct dat de klokke d'r nog nie
was. 'Neeê, de klokkemaeker is ewist en die zei da de klokke zö slecht
was en uut mekaren viel toen a die d'r an begon, 't Viel erg tegen, ie
kreeg n nie mi voe mekaren, ie was absoluut nie meer te repereren en
toen aa t-ie 'eêl de boel maer op de vuulnisoöp egooid. Erg jammer, mae
daè was niks meer an te doen. Ie aa echt z'n best d'r voe edaen, mae de
klokke was nie mi te redden...' En die drie mensen, ze wassen eerlijk en
simpel en 't zou wè waer wezen a die man dat zei, wan die aa t'r ver
stand van...
De Klokke
De jaeren vergiengen en eên voe eên verwisselden de broers en de zus 't
tiedelijke mee 't eêuwige. En op een goeien dag mos ik 's bie die klokke
maeker wezen voe zaken. Z'n vrouwe, as aaltied vriendelijk en gastvrie,
nodigden me naè binnen om een bakje koffie mee te drienken. We zat-
ten in een gezellig gesprek toen de klokke de uren wegsloeg, 't Was een
'eêle mooie klanke die a me erg bekend voekwam.
Die klanke... Dat prachtige melodieuze geluud zou ik uut duzenden her
kennen. Ik keek naè de klokke en krege de schok van m'n leven. Daèr
'ieng de klokke die a 'k jaren an eên stik opewonnen aa.
noe nummer 19 I
