Ikke Mokammedaon (2)
Mao noe gooide 'k 't over een anderen boeg. Kort geleën aan 'k een
boek geleezn van Ewald van Vught, getiteld 'La llahah lllallah', waoruut
een grote liefde voo de islam bleek, mao snel danao krieg 'k de kora-
nuutleg van ayatollah Khomeiney onder oögn en da von 'k misschien wè
de meêst achterlijke interpretaosie die an 'k ooit geleezn aan. 'Joengers',
zei ik, 'julder èn een nogga ingewikkeld geloof. As 't an Khomeiney ligt,
motn julder een kompas bie je draogn'.
De mann keekn verwonderd. Waorom dan? 'A je noe een keêr moe pisn
onderweg, mag da nie in de richtieng van Mekka. Om da te weetn, za je
toch een kompas bie moetn èn.'
D'r wier gelachen.Een bitje schaopachtig zelfs, om in de sfeer te
bluuvn.'k Bleef d'r serieus bie. 'En wat a da besnieën van julder betreft,
daor valt ook nog wè wa van te zegn. Weetn julder dat 't besnieën van
vrouwen een misdrief is? Een ingreep zonder medische noödzaok noemn
wulder 'ier een verminkieng. En in feite is 't besnieën van mann van 't
zelfste laokn een pak. Ongevraogd wor je voor'uud wegg'aoln en dan
bin je een gelovige. Te zot vo woordn en volgens mien wor da in de toe
komst ok nog wè een keêr verboom'.
De mann keekn me ongelovig an. 'Jao', zei 'k noe, 'volgens de koranuut-
leg van sommigsten is d'r niks mis mee om lao me zegn 'diengn' te doen
mee een schaop of een paerd. 't Énigste naodeel is da je zelve 't vleês
van zö'n misbruukt beêst nie mag opeetn. En 't tiedelijk 'uwelijk, een
meugelijkeid vo wettelijk nao de 'oern te gaon, liek me ook nie echt
I noe nummer 19
afkomstig uut d' eilige boekn'.
Ik wist noe van geên op'ouen nie meer. 't Was m'n a snel dudelik: de
moslims in de coupé adn de Koran oök mao van 'oörn zegn. Zöas vee
katholiekn oök maor amperan van den Biebel g'oörn èn.
'Èn julder wè een keêr g'oörn van Jezus? Wat a dien zegt van besnieë-
nis?' Zulder wistn da nie. Bènoe mann, as z'n leerliengn de vraoge steldn
of a besnieënis nut 'ad, zei Jezus: "As 't énig nut 'ad, waorn julder wel
besneeën uut de buuk van je moeder gekomn".
'Meneer', sprak den 'Indoe: 'Mag ik weten wat uw geloof is?'
Mee een bitje spinozistische 'eilig'eid was mien antwoord: 'Da gao 'k joe
nie verteln,vent. Dao komt alleêne mao mot van en da wiln wulder nie,
toch?'
Dan 'oor ik er êne zegn: 'volgens mij is ie gewoon een moslim'.
Inshallah. 'k Zegn da 'k uut een famielje van joodn, christenen en mos
lims kom. 'Oe a da kan? De grootmoeder van m'n vrouwe was moslim.
Bie alles wat of 'eur beviel of nie riep ze: 'Ikke mokammedaon!'. Daor aa
niemand ooit een weerwoord op. Ik geloofde 'eur, want de goeie vrouw
die a gebrekkig onze taole sprak, baordn zeven kinders, smoorde tabak
van de weduwe van Nelle en versmaodde een pintje oök nie. Allahu
Akhbar!
Impersant 'aan 'k de mann oök verteld da mien reisdoel Amsterdam was
om dao gedichtn te gaon vooleezn. De Pakistaonn en de Indiër giengen
nao den 'Aog. 'Wa gaon julder dao doen?' vroog 'k.
