Medewerkers (2)
26
Charlotte van der Wiel
I noe nummer 19
Geboorn, getoogn én gevloogn Aernburger, da ben ik. Een Aernburgse
kikker. Eeen puut noemn ze da zeker? Zie je, zö goed Zeêuws kan'k glad
nie.
Ik was daor aoltied wè trots op wan me zusn waorn in 't ziekenuus van
Oöstburg geboorn en ikke nie. 'k Moe nog aoltied an'oorn dat die zusn
liever een katte g'ad aon as een zusje. Mao jao, wie doet da noe ook: an
z'n kinders vraogn wat an ze liever zoun èn, een broertje, zusje of een
katte...
Inmiddels is 't zusje 26 en m'n zusn èn allebei ulder katte. En an me klei
ne waorn, èd 't ons nooit an beêstn ontbrookn ook trouwes. Naodat da
zusje d'r toch bie kwam vansèlf, kwam t'r ook a vrij snel een 'ondje:
Dropje. Da beêstje moe afgezien èn mee drie kinders die verzot waorn
op 'm. Dat ie nooit doodgeknuffeld is, mag gerust een wonder genoemd
worn.