Eindeloze zeê
Ad Roelse (Domburg)
Ei je wè 's
an de kant van zeê gestae
en gevoeld
'oe de golven
mee ongetemd geweld
op 't strange beuke;
Tomeloos.
Ei je wè 's
de kant van de zeê gestae
en geziee
'oe 't schuum,
't broze, zachte schuum,
golve nae golve overleeft;
Zurgeloös.
Ei je wè 's
an de kant van de zeê gestae
en beseft
'oe nieetig je bin
bie deze peilloöze diepte
die geen dimensies kent;
Maeteloös.
Ei je wè 's
an de kant van de zeê gestae
en gerealiseerd
dat de zeê
onze Moeder is
en ons d'r èrven;
Eindeloos.