't Territorium
29
Siemen Janse (Oöskappel)
(Een verslag van de tribune)
In maerte ao de commissie ruumtelijke ordenieng een vergaederienge.
Den agenda zag er wè interessant uut, dus bin ik 's gae luustere daer in
Domburg. Ik was wat laete, 't parkeerterrein stieng a vol mee auto's. "D'r
bin d'r meer die as 't volge wille", docht ik bie m'n eige.
't Gieng net beginne en d'r was nog mae 'ier en daer een stoel vrie. Even
kreeg ik 't gevoel dat sommige in 't publiek dochte: zou n ook plannen
'ebbe? As ik zö 's rondkeek en de ménsen zag, viel 't op dat er vee
waere uut de nieuwbouwplannen van de leste jaeren. Ménsen mee een
carrière, meestal ook nog tweêverdiener. D'r 'ieng iets in de lucht van: je
moet er op tied bie weze, ze bin zö verdeêld.
De commissie zat in een 'alve krienge, sommigste mee bruunverbrande
koppen. An de ziekant de voorzitter, dat verwacht je nie - en je zag d'r
dan ook 'eêl wat even zoeke mee d'r ogen waer of de spreker zat, toen
dien opende.
Ie vroeg eerst een minuut stilte vö de koningin-moeder.
Daernae begon den agenda mee de uutbreidieng van de Zandpit. Eerst
noe nummer 19 I
